TRATU ONEN HERRIA– LARRAITZ ETA KISTIÑE
Zein da Hezkuntza Plataformaren ibilbidea?
2012an hezkuntza arloan herri mugimendua piztu nahian talde biltzearekin sortu zen. Denborarekin taldea egokitzen zehazten joan da eta orain 2 urte Hernaniko Hezkuntza Plataforma sortu genuen eta herriko zentro publiko guztietako ordezkariak eta ordezkaritzarik gabeko herritarrak osatzen dugu.
Eta orduan zein da Hezkuntza Plataforman egiten duzuen lana?
Hezk. Plataforman bi lan ildo dauzkagu. Batetik LOMCE/Heziberri lege eta egitasmoen
aurkakoa; jada hainbat ekintza burutu ditugu eta jarraituko dugu burutzen; hala nola maiatzaren 5erako deitu dugun kanpo azterketen kontrako herri mobilizazioa.
Bestetik, eraikitzaileagoa den ildoa; nahi genukeena asma tzen laguntzen diguten Hezkuntza Eskolak deitzen ditugun hitzaldiak. Hilabeteko bigarren ostegunetan, Udaletxean 19:00etan, hezkuntza modu zabalenean eta gai oso desberdinen inguruan: eskola kirola, konpetentzi digitalak, jangelen kudeaketa autogestionatua, tratu onak, jolas eta jostailu ez sexistak, Gernikako Astra, parke eredu berriak, etab.
Horretaz gain , aurten Hezkuntza Buletina sortu dugu, bigarren alea atera berri dugu. Eta oraintxe bertan, Ebaluazioaren inguruan mintegi bat antolatzen gabiltza apirilak 29, maiatzak 6 eta 13an burutuko dena Biterin.
Zuen ustez, ze ekarpen egiten diozue herriari?
Gizartean hezkuntzak duen garrantziaz gehiago ohartaraztea; hezkuntza ardatz hartuta hainbat ekimen egitea eta hezkuntzaren eskolatik herrirako saltoa ematen laguntzea.
Zuen ustez, eta Tratu Onei dagokionez, zer indartu behar da Hernani mailan?
Gizarte solidarioago bat lortu beharko litzateke, elkarlana bultzatuz momentu, leku eta
egoera guztietan. Indibidualismoari aurre egin harremanak gehiago zainduz, baloreak indartuz, norbera den bezala onartuz eta errespetatuz, konplexutasun eta aniztasun guztiekin; umiltasun gehiagorekin bizi behar ko genuke.
Eta herrian daukaguna baloratze aldera, zeintzuk dira egun hezkuntza sisteman dauden praktika onak?
Ikastetxeei begira, herriko neska-mutiko guztiek parte-hartzen duten ekimen guztiak aipatuko genituzke: eskola kirola, udako udaleku irekiak, iñauteriak, Korrika txikia, euskararen eguna, preludioa, etab. Udaletxeko sail desberdinetatik bideratzen diren hainbat egitasmo ere, herriko ikasle guztiek jasotzen dituztenez, oso interesgarriak dira:
harremonak egitasmoa, bide heziketa, ingurumen hezkuntzaren ingurukoak, etab., beti ere, hezkuntza modu transbersal batean landuta.
Zer nolako hezkuntza eredua irudikatzen duzue denontzako ona izango den Tratu Onen herri amestu hortan?
Eskola komunitate bakoitzean, bakoitzak bere identitate ezaugarri propioak eta desberdinak izanik ere, partaide guztion inplikazio askoz handiago duen hezkuntza
eredua irudikatzen dugu, non irakasle, ikasle eta gurasook, elkarrekin lana egingo genukeen, gizarte eredu askoz justuagoa eta solidarioagoa izateko borrokatu litzatekeen.
Tratu Onak, norberaren burutik hasi, norbere burua maitatuz eta umiltasunez jardunez, eta ondokoarekin harreman sanoak, solidarioak eta eskuzabalak mantenduz.
Herri mailan Hezkuntza orain ba loratzen dena baino askoz gehiago baloratuko balitz, Tratu Onen herria errazago lortuko litzatekeela uste dugu guk.
Hernaniko Hezkuntza Plataforma 